Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 563 Hüküm no: 780 Orijinal metin no: [88b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Derviş İbrahim’den çocuğu olan Ayşe’nin cariyesi olamayacağı (ümm-i veled) Bâ-mühr-i efendi Ma‘rûz Derûn-ı arzuhâlde mezkûre zevâtı ta‘rîf-i şer‘î ile mu‘arrefe sâhibe-i arzuhâl ve kıbel-i şer‘den me’zûne [Âişe?] Hanım câriyeden mezbûre Hanım hâlâ benim câriye-i memlûkem olup bana rıkka inkıyâddan imtinâ‘ eder deyü ba‘de’d-da‘vâ mezbûre Hanım dahi merkūme Âişe’nin bundan akdem câriye-i memlûkesi olduğunu ikrâr lâkin merkūme Âişe beni gāib ani’l-meclis hafîdi Derviş İbrahim’e hîbe ve temlîk ve teslîm ol dahi ittihâb ve temellük ve tesellüm ettikden sonra istifrâş ve benden bir veled dahi hâsıl olmağla ben hâlâ mezbûr İbrahim’in mülk-i mevhûbu olduğum halde ümm-i velediyim deyü ba‘de’d-def‘ ve’l-istintâk mezbûre Âişe dahi merkūme Hanım’ın def‘-i meşrûhunu ikrâr ve i‘tirâf etmeğin alâ-mûcib-i ikrârihâ bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 15 min-şehri Rebî‘ülâhir sene 1153.