Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 564 Hüküm no: 781 Orijinal metin no: [88b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şahin’in Ahmed Efendi’ye vefaen sattığı evi katî satışa çevirdiği Ma‘rûz İ‘lâm-ı evvelde mezkûrü’l-ism Şahin b. Abdullah ile zevcesi Hanife bt. Abdullah nâm hatun zâtı ba‘de’t-ta‘rîfi’ş-şer‘î Mahkeme-i Bâb’da meclis-i şer‘de sâhib-i arzuhâl Ahmed Efendi muvâcehesinde i‘lâm-ı mezkûrda tafsîl olunduğu üzere müdde‘âsı olan yüz elli dokuz buçuk guruş merkūm Ahmed Efendi yedinden tamâmen ahz u kabz eylediğimiz ecilden vefâen fâriğ olduğumuz vakıf menzili meblağ-ı mezbûr mukābelesinde bâ-ma‘rifet-i mütevellî ferâğ-ı kat‘î ile merkūm Ahmed Efendi’ye ferâğ ve tefvîz ol dahi ber-vech-i muharrer tefevvüz ve kabûl etmekle menzil-i mezkûrda kat‘an bizim alâkamız kalmayıp merkūm Ahmed Efendi’nin hakk-ı müfevvezi olmuşdur deyü takrîrleri ba‘de’t-tasdîk tescîl olunduğu huzûr-ı âlîlerine i‘lâm olundu. Fî 15 min-şehri Rebî‘ülâhir sene 1153.