Adalar Mahkemesi 1 Numaralı Sicil (H. 1178-1184 / M. 1764-1771) cilt: 75, sayfa: 36 Hüküm no: 6 Orijinal metin no: [1b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kerimzade Mehmed Aziz Efendi’nin Adalar naipliğine atandığı Bismillâhirrahmânirrahîm, Yâ Fettâh, yâ Rezzâk, yâ Alîm, yâ Rahîm, yâ Allah İzzet-meâb şerî‘at-nisâb Mevlânâ Kerimzâde Mehmed Aziz Efendi kâm-yâb Ba‘de’t-tahiyyeti’l-vâfiye inhâ olunur ki havza-i hükûmetimiz olan Üsküdar nevâhîsinden Adalar nâhiyesinin umûr-ı şer‘iyesi işbu sene seb‘a ve seb‘în ve mi’e ve elf şehr-i Zilka‘desi gurresinden zabt eylemek üzere sizlere tefvîz olunmuşdur gerekdir ki nâhiye-i merkūmu gurre-i mezbûrdan zabt eyleyüp beyne’l-ahâlî icrâ-yı ahkâm-ı şer‘iye ve tenfîz-i evâmir-i aliyye eyleyesiz ve kısmet-i askeriyesini dahi tarafımıza ihâle olunmağla vâki‘ olan mevtâ-yı askeriyenin muhallefâtını tahrîr ve beyne’l-verese bi’l-farîzati’ş-şer‘iye tevzî‘ ve taksîm eyleyüp cadde-i şer‘-i kavîmden ser-i mû inhirâf buyurmayasız ve’s-selâm. El-fakīr Veliyüddin el-Kādı bi-Üsküdar