Adalar Mahkemesi 1 Numaralı Sicil (H. 1178-1184 / M. 1764-1771) cilt: 75, sayfa: 74 Hüküm no: 69 Orijinal metin no: [14a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Ağa’nın Maltepe ve civarındaki yeniçeri ve askeri taifesine yasakçı tayin olunduğu Bede’tü Bismillâhirrahmânirrahîm. Hâlâ Maldepe-i kebîr ve sagīr kādısı izzetlü fazîletlü efendi hazretlerinin huzûrlarına mezîd-i i‘zâz ithâfından sonra muhibbânemiz oldur ki kadîm-i eyyâmdan hatt-ı hümâyûn-ı şevket-makrûn Dergâh-ı âlî yeniçeri postal-baha ta‘yîn ve ihsân buyrulan kullardan hâlâ taht-ı hükûmetinizde vâki‘ yasakçı olan ref‘ olunup yerine işbu zâbit olan Dergâh-ı âlî yeniçerilerinden es-Seyyid Ahmed Ağa ( ) nâm yoldaş işbu bin yüz yetmiş dokuz senesi mâh-ı Şa‘bân-ı şerîf gurresinden senesi tamâmına değin yalnız iki değnek verilüp yasakçı ve zâbit nasb ü ta‘yîn olmağın işbu mektûb tahrîr ve irsâl-i huzûrları kılındı bi-mennihî te‘âlâ vusûlünde gerekdir ki merkūmu yasakçı umûrunda kıyâm ve istihdâm eyleyüp efendiye [âhara] müdâhale etdirmeyüp tarafınıza mürâca‘at eylediği umûr-ı husûslarında bi-hasebi’ş-şer‘ ve’l-kānûn imdâd ve i‘ânet eyleyüp hilâf-ı şer‘-i şerîf ve mugāyir-i kānûn bir kimesneye rencîde ve remîde etdirmeyesin. Tahrîren fi’t-târîhi’l-mezkûr.