Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 353 Hüküm no: 517 Orijinal metin no: [77a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe adlı küçük kızın evlat edinilip kendisine nafaka takdir edildiği Hâkim-i hâsim-i muvakki‘ a‘lâhu el-mütevakkı‘ rızâi mevlâhu, velîsi ve nafakası üzerine terettüp edecek kimsesi bulunmayan Âişe bt. Abdullah nâm sagīreyi medîne-i mahmiye-i Kostantıniyye mahallâtından Tahtakale nâm mahallede sâkin hâmil-i hâze’l-kitâb Mehmed b. Mehmed’e tebennî, terebbî ve ıyâle için teslim ettiğinde mezbûr Mehmed dahi tesellüm eyledi. Hâkim-i mûmâ-ileyh sonra mütebennî-i mesfûrun talebiyle, sagīre-i mezkûrenin nafakası, kisvesi ve sâir havâic-i zarûriyesi için zeylde mezkûr târîhden i‘tibâren için râyicü’l-vakt yevmî beş akçe farz ve takdîr etti ve meblağ-ı mefrûzu sarfa ve vakt-i zarûretde istidâne edip lede’z-zafer yedinden sagīre-i mezbûreyi talep ve ahza kim hak sahibi ise o kimseye rücû‘ etmeye merkūm Mehmed’e izin verip mâ-hüve’l-vâki‘ bi’t-taleb ketb olundu. Cerâ zâlike ve hurrire fi’l-yevmi’s-sâdis aşere min-Zilhicceti’ş-şerîfe li-sene erba‘a ve sittin ve elf. Şuhûdü’l-hâl: İbrahim Çelebi b. Davud, Rıdvan b. Abdullah, Muslı Beşe b. Çukadâr ve gayruhum mine’l-hâzırîn