Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 566 Hüküm no: 787 Orijinal metin no: [89a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süleyman’ın evinde oturan Hüseyin’in evi ay sonuna kadar tahliyesi Derûn-ı arzuhâlde mezkûrü’l-ism el-Hâc Süleyman’ın vekîl-i sâbitü’l-vekâlesi sâhib-i arzuhâl el-Hâc Hüseyin meclis-i şer‘de derûn-ı arzuhâlde mezkûrü’l-ism Hüseyin muvâcehesinde mezbûr Hüseyin müvekkilim mezbûrun mahmiye-i İstanbul’da Azebler mahallesinde vâki‘ menzilinde müşâhereten müste’ciri olup mezbûr bi’l-vekâle fesh-i akd-i icâre etmemle menzil-i mezkûru tahliye ve bana teslîme tenbîh olunmak bi’l-vekâle murâdımdır deyü da‘vâ ettikde ol dahi ber-vech-i muharrer ikrâr ve i‘tirâf ettikden sonra menzil-i mezkûru târîh-i i‘lâm şehri hıtâmında tahliye ve vekîl-i mezbûr el-Hâc Hüseyin’e teslîme ta‘ahhüd eylediği Mahkeme-i Bâb’da tescîl ve huzûr-ı âlîlerine i‘lâm olundu. Fî 19 min-Rebî‘ülâhir sene 1153.