Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 567 Hüküm no: 788 Orijinal metin no: [89a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kahire’de ölen Kürkçü Hasmaki’nin terekesinden vasisine gereken miktarın ödendiği Ma‘rûz Bundan akdem Mısr-ı Kāhire’de hâlik olan Kürkçü Hasmaki nâm zimmînin vasîsi sâhib-i arzuhâl Yanaki hâlik-i merkūmun li-ebeveyn kız karındaşı olup hasren vârisi ve terekesine vâzı‘atü’l-yed derûn-ı arzuhâlde ismi mezkûre Tersayi Nasrâniye’den ben hâlik-i merkūmun sülüs-i mâlından vesâyâsını tenfîze vasiyy-i muhtârı olup yedimde olan i‘lâm-ı şer‘î mantûkunca tereke-i hâlik-i merkūmdan mezbûre Tersayi’nin makbûzu olan bin beş yüz doksan dokuz guruşun sülüsü beş yüz otuz üç guruşu tenfîz-i vesâyâ için bi’l-vesâye taleb ederim deyü da‘vâ ol dahi ikrâr lâkin meblağ-ı mezkûru târîh-i kitâbdan on sene mukaddem vasiyy-i merkūma tamâmen edâ ve teslîm eyledim deyü ba‘de’d-def‘ ve’l-inkâr def‘-i meşrûhunu şâhidîn ile isbât etti[k]den sonra merkūme Tersayi mâlından teberru‘an vasiyy-i mesfûra yüz guruş verip bu vechile kat‘-ı nizâ‘ eyledikleri huzûr-ı âlîlerine i‘lâm olundu. Fî 20 min-şehri Rebî‘ülâhir sene 1153.