Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 567 Hüküm no: 789 Orijinal metin no: [89a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hundi Hatun Vakfı’na ait evin Kalenderhane Camii imamlarına meşruta olduğu Ma‘rûz Zikri âtî vakıf menzilin bâ-berât-ı âlîşân mütevellîsi olan sâhib-i arzuhâl Kalenderhane imâmı el-Hâc Mustafa Efendi Bâb Mahkemesi’nde meclis-i şer‘de derûn-ı arzuhâlde mezkûr Camcı Ali mahallesi imâmı es-Seyyid Mustafa Efendi ile terâfü‘lerinde merhûme Hundi Hatun nâm sâhibü’l-hayrın vakfı olup mârrü’z-zikr Camcı Ali mahallesinde vâki‘ lede’l-ahâlî ma‘lûmü’l-hudûd ve’l-müştemilât vakıf menzilin galle ve tevliyeti Kalender imâmlarına meşrûta olduğunu ve menzil-i mezkûrun icâre-i müeccelesini imâm olanlar alageldiklerini merkūm es-Seyyid Mustafa Efendi ikrâr edip gerek tevliyet ve gerek menzil-i mezbûrun icâresinde aslâ ve kat‘â alâka ve medhalim yokdur, mezbûr el-Hâc Mustafa Efendi’nin menzil-i mezbûrun tevliyet ve gallesi meşrûtasıdır deyü i‘tirâf eylediği tescîl olunmuşdur. Fî 20 min-Rebî‘ülâhir sene 1153.