Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 567 Hüküm no: 790 Orijinal metin no: [89a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Saltana’nın boşandığı kocası ile olan mehir davasına sulh olduğu Ma‘rûz Sâhibe-i arzuhâl Saltana Nasrâniye şahsı ba‘de’t-ta‘rîfi’ş-şer‘î derûn-ı arzuhâlde mastûrü’l-ism Habbâz Petro zimmî ile müdde‘âsı olan dört bin iki yüz akçe mehir da‘vâsından ve târîh-i i‘lâmdan altı sene mukaddem Hasköy’de beni mehr-i mezkûr ile mesfûr Petro kendüye akd ve tezvîc eyledi deyü müdde‘âsından yüz para bedel-i makbûza sulh olup her biri âharın zimmetini ibrâ-i âmm-ı katı‘u’n-nizâ‘la ibrâ ve ıskāt edip kat‘-ı nizâ‘ ettikleri rızâlarıyla Bâb Mahkemesi’nde ba‘de’t-tescîl huzûr-ı âsafânelerine i‘lâm olundu. Fî 21 min-Rebî‘ülâhir esne 1153.