Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 568 Hüküm no: 791 Orijinal metin no: [89a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mato’nun Mehmed Efendi’deki alacağı konusunda sulh olduğu Ma‘rûz Bahçıvân tâifesinden sâhib-i arzuhâl Mato zimmî Bâb Mahkemesi’nde meclis-i şer‘de Hâfız Mehmed Efendi b. Osman muvâcehesinde derûn-ı arzuhâlde mezkûr eşcâr-ı müsmire semeni olmak üzere sekiz bin yirmi beş akçe ve bir bâb odaya mutasarrıfı olmak üzere yedi bin iki yüz akçe ki cem‘an on beş bin iki yüz yirmi beş akçe eylediği da‘vâsından tavassut-ı muslihîn ile yirmi sekiz buçuk guruş bedel-i makbûza sulh olup husûs-ı mezkûra ve sâir târîh-i i‘lâma gelince âmme-i da‘vâdan ahadühümâ âharı ibrâ edip kat‘-ı nizâ‘ eyledikleri huzûr-ı âlîlerine i‘lâm olundu. Fî 21 min-şehri Rebî‘ülâhir sene 1153.