Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 568 Hüküm no: 793 Orijinal metin no: [89a-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Çorbacı’nın Molla Mehmed aleyhine açtığı davasından vazgeçtiği Mumcu Mehmed Beşe mübâşeretiyle ihzâr olunan Molla Mehmed’in hasmı Ali Çorbacı meclis-i şer‘de mezbûr Molla Mehmed işbu târîh-i i‘lâm gecesi Zeyrek kurbünde Çivizâde mahallesinde vâki‘ sâkin olduğum menzilime sûikasd ile gelip beni tahvîf eyledi deyü ba‘de’d-da‘vâ ve’l-inkâr mezbûr Ali Çorbacı tasaddî eylediği da‘vâsından fâriğ olup husûs-ı mezkûra müte‘allıka âmme-i da‘vâdan mezbûr Molla Mehmed’in zimmetini ibrâ ve ıskāt ettikden sonra zikr olunan Çivizâde mahallesi imâmı Mehmed Efendi ve ahâlîsinden on iki nefer müseccelü’l-esâmî kimesne mezbûr Molla Mehmed’in hüsn-i hâlini haber verdiklerinde mezbûrûnun haberleri ba‘de’t-tescîl huzûr-ı âlîlerine i‘lâm olundu. Fî 23 min-şehri Rebî‘ülâhir sene 1153.