Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 571 Hüküm no: 800 Orijinal metin no: [90a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Peyo’nun Niko’ya olan borcunu ödemiş olduğu Muhzır Süleyman mübâşeretiyle Bâb Mahkemesi’ne ihzâr olunan Peyo zimmînin hasmı Niko zimmî meclis-i şer‘de mesfûr Peyo zimmî muvâcehesinde mezbûr Peyo zimmetinde cihet-i havâleden kırk guruş hakkım olmağla meblağ-ı mezbûru mersûm Peyo zimmîden taleb ederim deyü da‘vâ eyledikde ol dahi ber-vech-i muharrer meblağ-ı mezbûru ikrâr lâkin kendüye bi’t-tamâm edâ ve teslîm eyledim deyü ba‘de’d-def‘ ve’l-istintâk mezbûr Niko zimmî meblağ-ı mezbûr kırk guruşu ahz u kabz eylediğini ikrâr ve i‘tirâf etmeğin mûcebince müdde‘î-i mezbûr ber-vech-i muharrer bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 24 min-şehri Rebî‘ülâhir sene 1153.