Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 572 Hüküm no: 801 Orijinal metin no: [90a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatıma Hatun’un eşi Abdulkadir’den muhâlaa yoluyla boşandığı Ma‘rûz Zâtı ta‘rîf-i şer‘î ile mu‘arrefe olan sâhibe-i arzuhâl Fâtıma Hatun bi’t-terâzi Mahkeme-i Bâb’da meclis-i şer‘de zevc-i dâhili Abdulkadir mahzarında mezbûr Abdulkadir zimmetinde mütekarrer ve ma‘kūdün-aleyh on beş guruş mehr-i müeccelimin dört guruşunu bana def‘ ü teslîm ettikde ben dahi ba‘de’l-kabz mâ‘adâ on bir guruş mehr-i müeccelim ve nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr Abdulkadir ile hul‘ olduğumda ol dahi ber-vech-i muharrer hul‘-i mezkûru kabûl ettikden sonra hukūk-ı zevciyete ve sâire müte‘allıka âmme-i da‘vâdan her birimiz âharın zimmetini ibrâ ve ıskāt eyledik deyü ikrârı ba‘de’t-tasdîk tescîl ve huzûr-ı âlîlerine i‘lâm olundu. Fî 25 min-şehri Rebî‘ülâhir sene 1153.