Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 572 Hüküm no: 802 Orijinal metin no: [90a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İplikçi halifelerinden Mustafa ve Hasan’ın Acem esirlerinden olup etrafındakilerin kendilerinden devamlı şikâyetçi oldukları Ma‘rûz Ashâb-ı arzuhâl Ali b. Mehmed ve diğer Ali b. Abdullah ve Mehmed b. İbrahim nâm kimesneler Bâb Mahkemesi’nde meclis-i şer‘de iplikci esnafının kethüdâsı Ahmed Çelebi ve yiğitbaşısı diğer Ahmed Çelebi ve ihtiyârlarından el-Hâc Ali ve el-Hâc Ömer ve el-Hâc Ahmed ve sâir müseccelü’l-esâmî ustalar muvâcehelerinde bizler esnaf-ı mezbûr ustalarından hâzırân bi’l-meclis Mustafa ve Hasan’ın halîfeleri olup san‘at-ı mezbûru tahsîl için her birimiz mevlâlarımıza üstâdlarımız olmak üzere hizmet edip destûr almak murâd eylediğimizde kethüdâ ve mezbûr Ahmed Çelebi ve sâirleri muhâlefet etmeleriyle suâl olunup bizlere izin vermek üzere tenbîh olunmak murâdımız deyü ba‘de’d-da‘vâ ve’l-istintâk kethüdâ-yı merkūm Ahmed Çelebi ve sâirleri cevâblarında müdde‘iyûn-ı mezbûrûn Acem üsârâsından olmağla mevlâları mezkûrân Mustafa ve Hasan’ın hizmetlerinde olmak takrîbiyle san‘at-ı merkūmeyi işleyip lâkin mezbûrûn Ali ve diğer Ali ve Mehmed başka üstâda hizmet eylediklerinden mâ‘adâ Acem cinsinden olmalarıyla şedîd ve tehzîb-i ahlâk etmeleriyle [etmemeleriyle] cümlemizi ta‘cîz ve rencîdeden hâlî olmamalarıyla mezbûrûndan bir vechile emniyetimiz yokdur deyü bi’l-muvâcehe teşekkî ve mezbûrûnun hâm-dest ve üstâda hizmet etmeyip san‘at-ı mezkûrede alâkaları yokdur deyü def‘leri huzûr-ı âlîlerine i‘lâm olundu. Fî 25 min-şehri Rebî‘ülâhir sene 1153.