Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 576 Hüküm no: 810 Orijinal metin no: [90b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa’nın Çukadar Halil’den talebi olan para hususunda haksız olduğu Sâhib-i arzuhâl Mustafa derûn-ı arzuhâlde mezkûrü’l-ism Çukadâr Halil muvâcehesinde mezbûr Halil târîh-i i‘lâmdan dört ay mukaddem Bükreş muhâfızı Süleyman Paşa’nın etbâ‘ından olup benden bi-gayr-ı hakkın fuzûlî yetmiş iki guruşumu ahz eyledi deyü ba‘de’d-da‘vâ ve’s-suâl mezbûr Halil cevâbında meblağ-ı mezkûru kabz eylediğini ikrâr lâkin müdde‘î-i mezbûr Mustafa’nın karındaşı gāib ani’l-meclis Deli Mehmed Bükreş’de bâzergân tâifesinden İsak Yahûdi’nin eşyâsını nehb ü gāret edip ba‘de’l-murâfa‘a yüz yirmi guruşa sulh ve bedel-i sulhü edâya karındaşı işbu müdde‘î-i merkūm Mustafa kefîl bi’l-mâl oldukdan sonra meblağ-ı mezkûru merkūm İsak Yahûdi’ye kefâletine binâen def‘ ü teslîm eyle deyü bana emr ben dahi müdde‘î-i mezbûr Mustafa’nın emriyle merkūm İsak Yahûdi’ye def‘ ü teslîm eyledim deyü ba‘de’d-def‘ ve’l-inkâr mezbûr Halil def‘-i meşrûhunu lede’t-tezkiye adâletleri zâhir şâhidîn ile isbât etmeğin mûcebiyle mezbûr Halil’e bî-vech mu‘ârazadan merkūm Mustafa men‘ olunduğu huzûr-ı âlîlerine i‘lâm olundu. El-emru li-men-lehü’l-emr. Hurrire fî 26 min-şehri Rebî‘ülâhir sene 1153.