Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 577 Hüküm no: 811 Orijinal metin no: [91a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Salih’in Şerife’ye olan borcunu taksitle ödeyeceği Sâhib-i arzuhâl es-Seyyid Salih’in derûn-ı arzuhâlde mezkûretü’l-ism Şerife Âişe Hatun’a zimmetinde cihet-i deyn-i şer‘îden elli guruş deyni olduğunu Mahkeme-i Bâb’da ikrâr ve i‘tirâf ettikden sonra mezbûr es-Seyyid Salih’in meblağ-ı mezbûru hâlâ ve def‘aten edâya iktidârı olmamağla mezbûre Şerife Âişe beher şehr kendüye ikişer guruş verip meblağ-ı mezbûru târîh-i i‘lâmdan yirmi beş ay tamâmına dek tamâmen edâ etmek üzere mezbûr es-Seyyid Salih’i taksît eyledikde ol dahi kabûl ve mablağ-ı mezbûru müddet-i madrûbe tamâmına değin mezbûre Şerife’ye edâya ta‘ahhüd eylediği huzûr-ı âlîlerine i‘lâm olundu. Fî 28 min-şehri Rebî‘ülâhir sene 1153.