Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 579 Hüküm no: 814 Orijinal metin no: [91a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Usta’nın mahalleliyi rahatsız etmeyeceğine dair taahhütte bulunduğu Ashâb-ı arzuhâl Kasım Ağa mahallesi imâmı Hüseyin Efendi ve müezzin Molla Mehmed ve ahâlîden Ali Çavuş ve Mehmed Çavuş ve Arif Mehmed Çavuş ve es-Seyyid el-Hâc Mehmed ve es-Seyyid Ali ve sâir müseccelü’l-esâmî on nefer kimesneler meclis-i şer‘de derûn-ı arzuhâlde mezkûre Âişe Usta nâm hatun muvâcehesinde mezbûre Âişe mahalle-i mezbûrede sâkine olup menziline ma‘lûmumuz olmayan mechûletü’l-ahvâl avratlar gelip fesâdât ihtimâli olduğundan mâ‘adâ mezbûre dil-âzâr olup bizlere itâle-i lisân eder deyü teşekkî eylediklerinde mezbûre Âişe dahi ba‘de’l-yevm ef‘âl-i mezkûresinden fâriga ve hem-civârlarını rencîde etmeyip cümlesinin rızâları üzere hareket etmeğe ta‘ahhüd eyledikde bu vechile kat‘-ı nizâ‘ eyledikleri Bâb Mahkemesi’nde tescîl ve huzûr-ı âlîlerine i‘lâm olundu. Bâkī emr men-lehü’l-emrindir. Hurrire fî 29 min-şehri Rebî‘ülâhir sene 1153.