Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 93 Hüküm no: 9 Orijinal metin no: [2b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan Çelebi b. Osman’ın alacak iddiasıyla Haçador v. Abraham’a açtığı davayı ispat edemediği Ma‘rûz Mahmiye-i İstanbul’da Doğramacı hanında müsâfiren sâkin Hasan Çelebi b. Osman meclis-i şer‘de Haçador v. Abraham nâm zimmî muvâcehesinde mesfûr Haçador zimmîye cihet-i karzdan malımdan ve yedimden beş yüz guruş ahz u kabz etmekle dört yüz yetmiş guruşunu mesfûrdan ahz etmişidim bâkī otuz guruş hakkımı taleb ederim deyü ba‘de’d-da‘vâ ve’l-inkâr müdde‘î-i mezbûr ber-vech-i muharrer müdde‘âsını beyâna kādir olmayıp talebiyle mesfûr Haçador zimmîye vech-i şer‘î üzere yemîn verilmeğin mûcebince müdde‘î-i mezbûr bilâ-beyyine bî-vech mu‘ârazadan men‘ olunduğu bâbdan huzûr-ı âlîlerine i‘lâm olundu. Bâkī fermân men-lehu’l-emrindir. Fî 29 Safer sene 1162