Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 98 Hüküm no: 17 Orijinal metin no: [3a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeyneb bt. Abdullah’ın Ahmed Beşe’ye olan hizmetinden dolayı alacağı olduğu iddiasıyla açtığı davayı ispat edemediği Ma‘rûz Sahibe-i arzuhâl Zeyneb bt. Abdullah nâm hatun zâtı ba‘de’t-ta‘rîfi’ş-şer‘î meclis-i şer‘-i hatîr-i lâzımü’t-tevkīrde derûn-ı arzuhâlde mezkûrü’l-ism Ahmed Beşe muvâcehesinde mukaddemâ ben beher yevm sekizer para ücret kavliyle mezbûr Ahmed Beşe’ye eylediğim üç ay hizmetimin müddet-i mezkûrede müctemi‘ olan on sekiz guruş ücret-i hakkımı vermeyip hâlâ zimmetinde kalmağla taleb ederim deyü ba‘de’d-da‘vâ ve’l-inkâr müdde‘iye-i mezbûre ber-vech-i muharrer müdde‘âsını beyâna kādir[e] olamayıp talebiyle mezbûr Ahmed Beşe’ye vech-i şer‘î üzere yemîn verilmeğin mûcebince müdde‘iye-i mezbûre Zeyneb Hatun bilâ-beyyine bî-vech mu‘ârazadan men‘ olunduğu mahkeme-i bâbdan huzûr-ı âlîlerine i‘lâm olundu. Fî 10 min-Rebî‘ülevvel sene 1162