Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 357 Hüküm no: 523 Orijinal metin no: [77b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Mustafa’nın emanet verdiği parayı tam olarak geri alamadığı İşbu bâ‘isü’r-rakīm Mehmed b. Mustafa meclis-i hatîrde Ahmed Beşe b. ( ) nâm râcili ihzâr ve muvâcehesinde mezbûra mukaddemâ üç bin üç yüz altmış akçe îdâ‘ ve teslîm ba‘dehû tesellüm eylediğimde dört yüz altmış akçe nâkıs vermişdir deyü da‘vâ ve merkūm Ahmed Beşe hâl minvâl-i muharrer üzere olduğunu ikrâr edip lâkin benim te‘addî ve taksîrim yokdur deyip yemîn teklîf olunup nükûl etmeğin dört yüz altmış akçe ile ilzâm olunduğu kayd şüd. Fi’l-yevmi’l-hâdî ve’l-ışrîn li-sene erba‘a ve sittin ve elf. Şuhûdü’l-hâl: Şeyh Mehmed İmâmzâde, Bosnevî İsmail Efendi, Pîrî Bey, Çukadâr Muslı Beşe ve gayruhum.