Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 108 Hüküm no: 32 Orijinal metin no: [5b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Havva bt. Abdullah’ın kendisini boşayan kocası İsmail’de olan mehir ve alacağının ödenmesi Ma‘rûz Sahibe-i arzuhâl Havva bt. Abdullah nâm hatun zâtı ba‘de’t-ta‘rîfi’ş-şer‘î meclis-i şer‘de derûn-ı arzuhâlde mezkûrü’l-ism zevc-i sâbıkı İsmail muvâcehesinde mezbûr İsmail zevc-i dâhilim iken târih-i i‘lâmdan sekiz gün mukaddem beni bâyinen tatlîk etmekle zimmetinde mütekarrer ve ma‘kūdün-aleyh olan beş guruş mehr-i müeccelim ve cihet-i karz-ı şer‘îden dahi on dört guruş ki cem‘an on dokuz guruş hakkım olmağla taleb ederim deyü ba‘de’d-da‘vâ ve’l-ikrâr mûcebiyle meblağ-ı mezkûr on dokuz guruşu müdde‘iye-i mutallaka-i mezbûre Havva Hatun’a edâ ve teslîm ile mezbûr İsmail’e tenbîh olunduğu mahkeme-i bâbdan huzûr-ı âlîlerine i‘lâm olundu. Fî 19 Rebî‘ülevvel sene 1162