Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 358 Hüküm no: 525 Orijinal metin no: [78a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefât eden Ali Ağa’nın küçük kızı Rukiye’nin üzerine annesinin vasi tayini Sabıkā hâssa bostancılar odabaşısı olup bundan akdem vefât eden Ali Ağa merhûmun sulbiye kızı Rukiye nâm sagīrenin tesviye-i umûruna ve babası müteveffâ-i mezbûrdan irs-i şer‘î ile intikāl eden emvâlini zabt ve ahvâlini hıfz için bir vasî nasb olunmak lâzım ve mühim olmağın mahmiye-i İstanbul’da Firuz Ağa Mahallesi’nde sâkine vâlidesi râfi‘atü’l-kitâb Hadice bt. Abdülvehhab nâm hatun cânib-i şer‘-i şerîfden vasî nasb olunup ol dahi vesâyet-i mezbûreyi kabûl ve merâsimini edâya müte‘ahhid oldukdan sonra işbu emânet ile ma‘rûf ve istikāmet ile mevsûf olup kasaba-i Tophâne’de yine Firuz Ağa Mahallesi demekle ma‘rûf mahallede sâkin Mustafa Efendi b. Mehmed dahi vasî olmak üzere ihtimâmen mezbûre Hadice’nin yanına zam olunup ol dahi sagīre-i mezbûrenin kezâlik hizmet-i lâzımesini mezbûre Hadice ile edâya müte‘ahhid olmağın mâ-hüve’l-vâki‘ bi’t-taleb ketb olundu. Tahrîren fi’l-yevmi’s-sânî ve’l-ışrîn min-Zilhicceti’ş-şerîfe li-sene erba‘a ve sittin ve elf. Şuhûdü’l-hâl: Nuh Efendi b. Receb el-imâm, Hüseyin Efendi b. Arslan el-imâm, Köşk bekçisi İbrahim Ağa b. Durak, Fazlullah Beşe çukadâr, Rıdvan b. Abdullah, Halil Beşe b. Mustafa ve gayruhum.