Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 358 Hüküm no: 526 Orijinal metin no: [78a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman b. Mehmed’in kahve bahasından borcu olduğu Attâr tâifesinden işbu râfi‘u’l-kitâb Rıdvan b. Abdullah mahfil-i kazâda Osman b. Mehmed mahzarında üzerine da‘vâ ve takrîr-i kelâm edip mezbûr Osman zimmetinde yedimden müşterâ ve makbûz <> olup mikdârı beynimizde ilm-i şer‘î ile ma‘lûm kahve bahâsından iki bin iki yüz doksan akçe hakkım vardır suâl olunup alıverilmesi matlûbumdur dedikde gıbbe’s-suâl ve akībe’l-ikrâr mûcebince meblağ-ı mezbûr iki bin iki yüz doksan akçeyi müdde‘î-i mezbûr Rıdvan’a edâ etmek üzere mezbûr Osman’a tenbîh-birle mâ-vaka‘a bi’t-taleb ketb olundu. Fi’l-yevmi’l-hâdî ve’l-ışrîn min-Zilhicceti’ş-şerîfe sene 1064. Şuhûdü’l-hâl: Feyzullah Beşe çukadâr, Hüseyin b. Osman, Hüseyin b. Mustafa, Halil b. Ahmed Çelebi ve gayruhum.