Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 120 Hüküm no: 51 Orijinal metin no: [8a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bogasıcı esnafıyla kassar esnafının leke çıkarma ve yıkama bedeli hakkında olan anlaşmazlıklarında sulh oldukları Bâ-mühr-i hazret-i efendi Ma‘rûz Ashâb-ı arzuhâl bogasıcı tâifesinden el-Hâc es-Seyyid Abdullah ve ihtiyârlarından Muharrem Çelebi ve el-Hâc Mehmed ve Abdullah Çelebi ve es-Seyyid Ömer Çelebi ve el-Hâc Ali ve sâir mazbûtü’l-esâmî yirmi nefer kimesneler meclis-i şer‘de kassâr esnâfından kethudâları es-Seyyid Abdullah ve ustalarından Mıgırdıç ve Kigork ve Haçok ve Karabet ve sâir mazbûtü’l-esâmî on nefer ustalar muvâcehelerinde işbu kassârlar ile beynimizde ücret-i kassâriye için bazı nizâ‘ vâki‘ olmuşidi el-hâletü hâzihî mesfûrlar ez-kadîm alageldikleri ücrete râzı olup ziyâde talebinden fâriğ olmalarıyla biz dahi nizâ‘ımızdan fâriğ olup bu vechile bi’t-terâzî kat‘-ı nizâ‘ eyledik dediklerini mesfûrlar dahi tasdîk eyledikleri tescîl olunup huzûr-ı âlîlerine i‘lâm olundu bâkī fermân hazret-i veliyyü’l-emrindir. Fî 29 Rebî‘ülevvel sene 1162