Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 126 Hüküm no: 59 Orijinal metin no: [9b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Odabaşı b. Bâyezid’in Gürcü asıllı Rüstem adlı kölesini sattığı Ahmed Beşe b. Mustafa’da kalan alacağının ödenmesi 120 guruş hükm Ma‘rûz Dergâh-ı âlî yeniçerilerinin yirmi yedinci cemâ‘atine mahsûs oda bekçisi olan Mehmed Odabaşı b. Bâyezid meclis-i şer‘-i enverde esirci tâifesinden olup Mumcu ( ) Beşe mübâşeretiyle ihzâr-ı şer‘ olunan Ahmed Beşe b. Mustafa muvâcehesinde târih-i i‘lâmdan kırk altı gün mukaddem mezbûr Ahmed Beşe’ye üç yüz altmış sekiz buçuk guruşa bey‘ ve teslîm eylediğim bir re‘s Rüstem ismiyle med‘uvve Molada Gürciyye mülk câriyenin semen-i mezkûrundan mezbûr Ahmed Beşe iki yüz elli üç buçuk guruşunu bana edâ ve teslîm edip ve yüz on beş guruşu zimmetinde bâkī kalmağla taleb ederim deyü ba‘de’d-da‘vâ ve’l-ikrâr mûcebiyle meblağ-ı bâkī-i mezkûr yüz on beş guruşu bâyi‘-i müdde‘î-i mezbûr Mehmed Odabaşı’ya edâ ve teslîmle mezbûr Ahmed Beşe’ye tenbîh olunduğu Mahkeme-i Bâb’dan huzûr-ı âlîlerine i‘lâm olundu. Fî 3 R sene 1162