Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 127 Hüküm no: 62 Orijinal metin no: [9b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dellak İbrahim b. Mehmed b. Halil’in kendisini yaralayan Dellak Abdülaziz b. İskender’den on kuruş alarak sulh olduğu Cerhden sulh Ma‘rûz İstanbul’da Nakkāş Paşa Hamamı’nda sâkin dellâk tâifesinden İbrahim b. Mehmed b. Halil’in li-ebeveyn er karındaşı ve tarafından husûs-ı âti’l-beyâna vekîl olduğu İbrahim b. Mustafa ve Ahmed b. Yusuf şehâdetleriyle sâbit olan Mustafa Beşe Mahkeme-i Bâb’da meclis-i şer‘de yine tâife-i mezbûreden Hüseyin Beşe b. Mustafa mahzarında karındaşım müvekkil-i mezbûr İbrahim’i târih-i i‘lâmdan on gün mukaddem kable’l-mağrib gāib ani’l-meclis yine tâife-i mezkûreden Abdülaziz b. İskender nâm kimesne bi-gayr-ı hakkın amden bıçak ile mak‘ad üzerinden kuyruk sokumu ta‘bîr olunur mahâllinden darb ve cerh ve sahib-i firâş edip firâr etmekle cârih-i mezkûr Abdülaziz’i bi’l-vekâle taharrî ve ahz ve ihzâr ve mürâfa‘a olmak sadedinde olduğumda bâ-vesâtet-i muslihîn karındaşım müvekkil-i mezbûrun cerh-i mezkûrundan bi’l-vekâle mezbûr Hüseyin Beşe ile teberru‘an cârih-i mezkûr Abdülaziz tarafından on guruş bedel-i makbûza sulh olup karındaşım müvekkil-i mezbûr İbrahim’in cerh-i mezkûruna ve cerh-i mezkûrundan hâdis olana müte‘allika âmme-i da‘vâdan gāib-i mezbûr Abdülaziz’in zimmetini bi’l-vekâle ibrâ ve ıskāt eyledim dedikde mezbûr Hüseyin Beşe dahi ber-vech-i muharrer ibrâ-i mezkûru kabûl eyledim dediği huzûr-ı âlîlerine i‘lâm olundu. Fî 4 min-Rebî‘ülâhir sene 1162 < Rıkkına inkıyâdı sebkat etmekle kıbel-i şer‘-i enverden da‘vâ-yı âti’z-zikre me’zûne olan orta boylu kara gözlü açık kaşlı>>