Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 129 Hüküm no: 64 Orijinal metin no: [10a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Altınoğlu Bakkal David’in, peynirci esnafının Gebze ve civarındaki mandıralardan almakta oldukları peyniri satın almaması Bâ-mühr-i hazret-i efendi. Peynirciler nizâmı Ma‘rûz Sahib-i arzuhâl peynirci bâzergânlarından el-Hâc Hüseyin ve şerîki Mustafa Yazıcı ve el-Hâc Ali meclis-i şer‘de Altınoğlu Bakkāl David nâm Yahûdî muvâcehesinde Gekbuze [Gebze] etrâfında ve nâhiyesinde olan mandıralardan peynir işleyen kimesneler ez-kadîm narh-ı cârî üzere işledikleri peyniri bize füruht edegelmişler iken işbu Yahûdî mezbûrları itmâ‘ ve peynirlerini ziyâde bahâ ile alıp ihtikâr etmek sadedindedir deyü mersûm Yahûdî’den teşekkî eylediklerinde ol dahi benim ziyâde ile peynir iştirâsına tesâddî ettiğim yokdur dediğinden mâ‘adâ işbu mezbûrların ahz u i‘tâları olan peynircilerden ben ba‘de’l-yevm peynir iştirâ etmem deyü ta‘ahhüd etmekle bu vechile kat‘-ı nizâ‘ eyledikleri huzûr-ı âlîlerine i‘lâm olundu bâkī fermân hazret-i veliyyü’l-emrindir. Fî 5 Rebî‘ülâhir sene 1162