Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 131 Hüküm no: 67 Orijinal metin no: [10b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Balkapanı tüccarı Ali b. Hacı Osman’ın, kefil olduğu Mumcu Yakub b. Hüseyin adına Osman Beşe’ye ödediği paranın Yakub tarafından kendisine iade edilmesi Ma‘rûz Balkapanı tüccârından Hacı Ali b. el-Hâc Osman meclis-i şer‘-i enverde Muhzır Mehmed mübâşeretiyle ihzâr-ı şer‘ olunan Mumcu Yakub b. Hüseyin muvâcehesinde mukaddemâ mezbûr Yakub’un gāib ani’l-meclis Na‘lbandoğlu Osman Beşe nâm kimesneden iştirâ ve kabz eylediği ma‘lûmü’l-mikdâr don yağının yüz on üç guruş semenine tarafeynden emir ve kabûlü hâvî kefâlet ile kefîl olmağın meblağ-ı mezbûr yüz on üç guruşun elli guruşunu asıl-ı mezkûr Yakub edâ ve bâkī altmış üç guruşunu dahi bâyi‘-i mezkûr Osman Beşe ber-mûceb-i kefâlet-i mezkûre benden ahz etmeğin hâlâ meblağ-ı bâkī müeddâ-bihi mezbûr Yakub’dan taleb ederim deyü ba‘de’d-da‘vâ ve’s-suâl merkūm Yakub dahi cevâbında fi’l-vâki‘ kazıyye bi-tamamihâ minvâl-i muharrer üzere olduğunu ikrâr etmeğin alâ-mûceb-i ikrârihî meblağ-ı müeddâ-bih olan altmış üç guruşu kefîl-i müdde‘î-i mezbûra edâ ile mekfûlün-anh mezkûr Yakub’a tenbîh olunduğu Bâb’dan huzûr-ı âlîlerine i‘lâm olundu. Fî 7 şehri Rebî‘ülâhir sene 1162