Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 135 Hüküm no: 74 Orijinal metin no: [11a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Gürcü asıllı Ümmühan bt. Abdullah’ın hür olduğu iddiasıyla Hatice bt. Abdullah’a açtığı davada yalan beyanda bulunup Hatice’nin kölesi olduğunu itiraf ettiği, Hatice’nin de kölesini başkasına satma sözü vermesiyle sulh oldukları Bâ-mühr-i hazret-i efendi Ma‘rûz Orta boylu kara gözlü kara kaşlı Ümmühan bt. Abdullah meclis-i şer‘de kendiye memlûkesi olmak üzere vâzı‘atü’l-yed olduğu mütehakkık ve zâtı ta‘rîf-i şer‘î ile mu‘arrefe Hadîce bt. Abdullah nâm hatun muvâcehesinde ben işbu mezbûre Hadîce Hatun’un hizmetinden müteneffire olduğumdan bundan akdem ben vilâyet-i İran’da Halhal kazâsında Feyli nâm karye ahâlîsinden Alikulu nâm hürrün kızı olmamla hürreyim deyü da‘vâya tesâddî etmişidim lâkin da‘vâ-yı mezkûremde ben kâzibeyim Gürciyyetü’l-asl rakīkayım ve mezbûre Hadîce Hatun’un memlûkesiyim deyü bi-tav‘ihâ ikrâr ve i‘tirâf edip mezbûre Âişe [Hadice] dahi ba‘de’t-tasdîk mevsûfe-i merkūmeyi âhara bey‘a müte‘ahhide olduğu ba‘de’z-zabt bu vechile kat‘-ı nizâ‘ eyledikleri huzûr-ı âlîlerine i‘lâm olundu. Fî 12 Rebî‘ülâhir sene 1162