Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 137 Hüküm no: 77 Orijinal metin no: [11b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sefer’in, Düğmeci Pavlo’nun yanında çıraklık yapan oğlu Maksud’un hizmet bedelinin ödenmesi talebiyle açtığı davada haksız bulunarak davanın reddedildiği Ma‘rûz Sahib-i arzuhâl Maksud’un babası Sefer zimmî meclis-i şer‘-i enverde derûn-ı arzuhâlde mastûr düğmeci tâifesinden Pavlo nâm zimmî muvâcehesinde mezbûrun sulbî sagīr oğlu Maksud dahi hazır olduğu hâlde bundan akdem mesfûr Pavlo zimmî işbu oğlum sagīr-i mesfûr Maksud’u mesfûr Pavlo zimmîye düğmecilik san‘atını ta‘lîm edivermek için şâkird verdiğimde ol dahi ba‘de’l-ahz oğlum mezkûr san‘at-ı mezkûrede mesfûr Pavlo zimmîye on altı ay hizmet edip san‘at-ı mezkûreyi ta‘lîm etmemekle [etmekle] müddet-i mezkûrede olan hizmetinin ecr-i mislini taleb ederim deyü olan da‘vâsında san‘at-ı mezkûrede şâkir[d] olanların üstâdlarından ecr-i misl talebi hilâf-ı örfleri olduğunu san‘at-ı mezkûre kethudâ ve yiğitbaşı ve ihtiyâr ustaları haber vermeleriyle müdde‘î-i mesfûrun da‘vâsına iltifât olunmayıp bî-vech-i şer‘î mu‘ârazadan men‘ olunduğu Mahkeme-i Bâb’dan huzûr-ı âlîlerine i‘lâm olundu. Fî 12 min-Rebî‘ülâhir sene 1162