Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 143 Hüküm no: 85 Orijinal metin no: [12b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Ahmed ile annesi Sâliha bt. Abdullah’ın evlendiklerinden bakmakta oldukları Fatma’nın oğlu İshak’ın babası Hasan Çelebi’ye teslimine karar verildiği Ma‘rûz Zâtı ta‘rîf-i şer‘î ile mu‘arrefe olup Muhzır Yusuf mübâşeretiyle Bâb Mahkemesi’ne ihzâr olunan Fâtıma bt. Ahmed nâm hatunun hasmı ve zevc-i sâbıkı Hasan Çelebi meclis-i şer‘-i hatîrde mezbûre Fâtıma Hatun muvâcehesinde mezbûre Fâtıma Hatun ile zevciyet beynimizde kāime iken benim firâşımdan hâsıl ve mezbûreden mütevellid işbu oğlum İshak bi-hakkı’l-hıdâne hacr u terbiyesinde iken mezbûre Fâtıma ve vâlidesi işbu hâzıra bi’l-meclis Sâliha bt. Abdullah nâm hatunlar sagīr-i mezbûra ecnebiye nefislerini tezevvüc edip hakk-ı hıdânesi mezbûretândan sâkıta olmağla sagīr-i mezbûru taleb ederim deyü ba‘de’d-da‘vâ ve’s-suâl kazıyye minvâl-i muharrer üzere olduğunu mezbûretândan herbiri mukırre ve mu‘terife olmalarıyla mûcebince sagīr-i mezbûr İshak’ı babası müdde‘î-i mezbûr Hasan Çelebi’ye teslîme mezbûretân Fâtıma ve Sâliha hatunlara tenbîh olunduğu huzûr-ı âlîlerine i‘lâm olundu. Fî 17 min-şehri Rebî‘ülâhir sene 1162