Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 145 Hüküm no: 88 Orijinal metin no: [13a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çörekçi Hacı Mustafa b. Hacı Hüseyin’in, Halil Ağa b. Hacı Mustafa’ya kalan borcunu ödemesi Bâ-mühr-i hazret-i efendi Ma‘rûz Halil Ağa b. el-Hâc Mustafa meclis-i şer‘a bi’t-terâzî ihzâr eylediği hasmı Çörekçi el-Hâc Mustafa b. el-Hâc Hüseyin ile terâfu‘larında mezbûr zimmetinde cihet-i karz-ı şer‘îden hakkım olan yüz guruşun on dokuz buçuk guruşunu işbu hazır bi’l-meclis oğlu Süleyman yedinden ahz ve istifâ edip bâkī zimmetinde seksen buçuk guruş hakkım kalmağla taleb ederim deyü ba‘de’d-da‘vâ ve’s-suâl mezbûr el-Hâc Mustafa meblağ-ı bâkī-i mezkûr müdde‘î-i mezbûra cihet-i mezkûreden deyni olduğunu mukır ve mu‘terif olmağın mûcebince meblağ-ı bâkī-i mezkûrun tamamen müdde‘î-i merkūma edâsıyla mezbûr el-Hâc Mustafa ilzâm olunduğu huzûr-ı âlîlerine i‘lâm [olundu] Fî 15 Rebî‘ülâhir sene 1162