Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 165 Hüküm no: 116 Orijinal metin no: [17a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Berber Palun v. Davud’un Artin v. Kirkor’a olan borcunu ödemesi Ma‘rûz Sahib-i arzuhâl Artin v. Kirkor nâm zimmî meclis-i şer‘de derûn-ı arzuhâlde mezkûrü’l-ism Palven v. Davud nâm zimmî muvâcehesinde târih-i i‘lâmdan on dört ay mukaddem yedimde olan temessük mantûkunca cihet-i karz-ı şer‘îden altmış guruş hakkımın üç guruşunu yedinden ba‘de’l-ahz ve’l-kabz zimmetinde bâkī elli yedi guruş hakkım kalmağla meblağ-ı bâkī-i mezkûru mersûm Berber Palven zimmîden taleb ederim deyü da‘vâ eyledikde ol dahi kazıyye minvâl-i muharrer üzere olduğunu ba‘de’l-ikrâr ve’l-i‘tirâf alâ-mûceb-i i‘tirâfihî meblağ-ı mezkûr elli yedi guruşu müdde‘î-i merkūm Artin zimmîye edâ ve teslîme mersûm Berber Palven zimmîye tenbîh olunduğu Mahkeme-i Bâb’dan huzûr-ı âlîlerine i‘lâm olundu. Fî 7 Cumâdelûlâ sene 1162