Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 166 Hüküm no: 118 Orijinal metin no: [17a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Manav esnafından Yako, Simyon ve Nora’nın, dükkân kiralayıp manavlık yapmaya başlayan Manol, Totori ve Anaştaş’ın manavlık yapmamaları talepleri ile açtıkları davanın reddedildiği Ma‘rûz İstanbul’da Bahçekapısı kurbünde sâkin manav tâifesinden arzuhâl sahibleri Yako ve Simyon ve Nora nâm Yahûdiler meclis-i şer‘de derûn-ı arzuhâlde mezkûr Manol ve Todori ve Anaştaş nâm zimmîler muvâcehelerinde işbu hazır bi’l-meclis Beço zimmînin mahâll-i mezkûrda vâki‘ taht-ı tasarrufunda olan dükkânını beher mâh icâre-i ma‘lûme ile mezbûrûna îcâr edip onlar dahi ba‘de’l-istîcâr dükkân-ı mezbûrda manavlık etmekle kârlarımıza kesâd vermeğin men‘ olunsun deyü tesâddî eyledikleri da‘vâları şer‘an mesmû‘a olmamağla mezbûrûn Manol ve Totori ve Anaştaş’a suâl dahi teveccüh etmeyip merkūmûn Yako ve Simyon ve Nora Yahûdiler bî-vech mu‘ârazadan men‘ olundukları Bâb Mahkemesi’nden huzûr-ı âlîlerine i‘lâm olundu. Fî 5 Cumâdelûlâ sene 1162