Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 170 Hüküm no: 124 Orijinal metin no: [18a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Ahmed’in, evinden bazı eşyalarının çalınmasından sorumlu tuttuğu Feyzullah’a açtığı davadan vazgeçtiği Ma‘rûz İstanbul’da Uzun Yusuf mahallesi sâkinelerinden olup zâtı ta‘rîf-i şer‘î ile mu‘arrefe olan Fâtıma bt. Ahmed nâm hatun Bâb Mahkemesi’nde meclis-i şer‘de Mumcu İbrahim Beşe mübâşeretiyle ihzâr ettirdiği Hüseyin b. Hasan muvâcehesinde târih-i i‘lâmdan dört gün mukaddem mahalle-i mezbûrede vâki‘ sâkine olduğum menzilime işbu hazır bi’l-meclis Feyzullah nâm kimesne vakt-i duhâda girip menzil-i mezkûr derûnunda mevcûd ber-mûceb-i defter-i müfredât eşyâ-i memlûkemi mezbûr Feyzullah bi-gayr-ı hakkın ahz eyledi deyü taleb ve da‘vâ için mezbûr Feyzullah’ı ahz ettirdiğimde mezbûr Hüseyin dahi ahz olunmuşidi lâkin husûs-ı mezkûra müte‘allika mezbûr ile kat‘a da‘vâ ve nizâ‘ım yokdur deyü olan ikrârı tescîl ve huzûr-ı âlîlerine i‘lâm olundu bâkī fermân men-lehu’l-emrindir. Fî 9 min-Cumâdelûlâ sene 1162