Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 173 Hüküm no: 128 Orijinal metin no: [19a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Ali’nin, bazı eşyalarını çaldığı iddiasıyla kocasının hizmetçisi Hasan b. Mustafa’ya açtığı davada otuz kuruş alarak sulh olduğu Ma‘rûz <<İstanbul’da Kızta>> Sahib-i arzuhâl İbrahim Efendi’nin zevcesi Âişe bt. Ali ba‘de’t-ta‘rîfi’ş-şer‘î meclis-i şer‘-i enverde derûn-ı arzuhâlde mastûrü’l-ism Hasan b. Mustafa muvâcehesinde mezbûr Hasan zevcim mezbûrun hizmetinde iken târih-i i‘lâmdan on dört ay mukaddem Taraklı diyârından İstanbul’a gelirken esnâ-i tarîkde sandığımda mevcûd eşyâmdan ber-mûceb-i defter üç yüz seksen sekiz guruş kıymetli eşyâmı bi-gayr-ı hakkın hufyeten mezbûr Hasan ahz eylemekle taleb ederim deyü ba‘de’d-da‘vâ ve’l-inkâr beynimize muslihûn tavassut edip da‘vâ-yı mezbûremden mezbûr Hasan ile an-inkâr otuz guruş bedel-i makbûza sulh olup husûs-ı mezkûra müte‘allika âmme-i da‘vâdan herbirimiz âharın zimmetini ibrâ ve ıskāt eyledik dedikde ba‘de’t-tasdîk huzûr-ı âlîlerine i‘lâm olundu bâkī emr hazret-i men-lehu’l-emrindir. Fî 10 min-Cumâdelûlâ sene 1162