Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 183 Hüküm no: 143 Orijinal metin no: [21a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Hatice bt. Mustafa’nın geçinemediği kocası Mehmed Çelebi b. Mustafa’dan muhâlaa yoluyla boşandığı Ma‘rûz Zâtı ta‘rîf-i şer‘î ile mu‘arrefe olan sahibe-i arzuhâl Şerife Hadîce bt. es-Seyyid Mustafa nâm hatun Mahkeme-i Bâb’da meclis-i şer‘de zevc-i dâhili olup derûn-ı arzuhâlde mezkûrü’l-ism Mehmed Çelebi b. Mustafa muvâcehesinde mezbûr Mehmed Çelebi zevcim olup beynimizde hüsn-i mu‘âşeretimiz olmamağla zimmetinde mütekarrer ve ma‘kūdün-aleyh olan dört bin akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve mezbûr Mehmed Çelebi’ye medfû‘um olan on guruş bedel-i hul‘ olup ve meûnet-i süknâm dahi kendi üzerime olmak üzere zevcim mezbûr Mehmed Çelebi ile muhâla‘a-i sahîha-i şer‘iye ile hul‘ olduğumda ol dahi ber-vech-i muharrer hul‘-ı mezbûru ba‘de’l-kabûl hukūk-ı zevciyete ve sâire müte‘allika âmme-i da‘vâdan herbirimiz âharın zimmetini ibrâ-i âmm-ı râfi‘u’l-hısâm ile ibrâ ve ıskāt eyledik deyü olan ikrârını mezbûr Mehmed Çelebi ba‘de’t-tasdîk huzûr-ı âlîlerine i‘lâm olundu. Fî 18 min-Cumâdelûlâ sene 1162