Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 184 Hüküm no: 145 Orijinal metin no: [21a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hallac Nikola v. Yorgi’nin alacağı olduğu iddiasıyla Tacir Mehmed b. Hasan’a açtığı davadan vazgeçip birbirlerinin zimmetlerini ibra ettikleri Ma‘rûz Hallâc tâifesinden olup Şehzâde Câmi‘-i şerîfi kurbünde sâkin Nikola v. Yorgi Bâb Mahkemesi’nde meclis-i şer‘de Mercan Hanı’nda sâkin Tâcir Mehmed b. Hasan muvâcehesinde bundan akdem gāib ani’l-meclis el-Hâc Ali nâm kimesne yedinden iştirâ ve kabz eylediğim seksen vakıyye penbe semeninden gāib-i mezbûra olan elli sekiz guruş deynim için mezbûr el-Hâc Ali’ye ver deyü mezbûr Mehmed’e elli iki guruş def‘ ve teslîm eylediğimde mezbûr Mehmed dahi ba‘de’l-ahz meblağ-ı mezbûru mezbûr el-Hâc Ali’ye vermeyip mezbûr el-Hâc Ali meblağ-ı mezbûru benden ahz etmekle medfû‘um olan meblağ-ı mezbûr elli iki guruşu mezbûr Mehmed’den taleb ve da‘vâ sadedinde iken bâ-vesâtet-i muslihîn herbirimiz da‘vâ-yı mezkûrelerimizden meccânen fâriğler olup zikrolunan husûslara müte‘allika âmme-i da‘vâdan birbirimizi ibrâ ve ıskāt eyledik deyü olan ikrârını mezbûr Mehmed dahi tasdîk eylediği Bâb’dan huzûr-ı âlîlerine i‘lâm olundu. Fî 19 min-Cumâdelûlâ sene 1162