Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 186 Hüküm no: 149 Orijinal metin no: [21b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacı Mehmed’in boşandığı hanımı Emetullah bt. Osman’ın yanında olan oğlu İbrahim’in kendisine bir sene sonra teslim edileceği Ma‘rûz Sahib-i arzuhâl el-Hâc Mehmed meclis-i şer‘-i hatîrde derûn-ı arzuhâlde mezkûreti’l-ism olup zâtı ta‘rîf-i şer‘î ile mu‘arrefe olan zevce-i mutallakası Emetullah bt. Osman nâm hatun muvâcehesinde mezbûre Emetullah Hatun ile zevciyet beynimizde kāime iken firâşımdan hâsıl ve mezbûreden mütevellide hâlâ bi-hakkı’l-hıdâne hacr u terbiyesinde olan işbu oğlum İbrahim nâm sagīr sekiz yaşına vâsıl ve hakk-ı hıdâneliği sâkıt olmağla oğlum mezbûru hâdinesi mezkûreden taleb ederim deyü olan da‘vâsında sagīr-i mezbûr mehzûl olup hıdâneye ihtiyâcı olduğu lede’ş-şer‘i’l-enver zâhir olmağla sagīr-i mezbûr bir sene dahi hâdine-i mezkûre yedinde ibkā iktizâ ettiği Mahkeme-i Bâb’dan huzûr-ı âlîlerine i‘lâm olundu. Fî 20 Ca sene 1162