Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 188 Hüküm no: 153 Orijinal metin no: [22a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Borçlarını ödemediği için hapsedilen Abraham v. Pedros’dan alacaklı olanların Abraham’ın fakir olup borçlarını ödeyemeyeceğini kabul etmeleri üzerine hapisten çıkarıldığı Ma‘rûz Sahib-i arzuhâl olup hâmiş-i arzuhâldeki derkenârda mezkûrü’l-ism olan medyûn Abraham v. Pedros zimmî derûn-ı derkenârda mezkûr düyûnu mutâlebesiyle çavuş yedinde ve zindânda yedi ay mahbûs olup edâ-i deyne kādir olamadığıyla lede’ş-şer‘i’l-enver fakīr ve asârı zâhir olduğundan mâ‘adâ ashâb-ı düyûn-ı mezkûresinden beş yüz otuz dört guruş tâlibi Süleyman Ağa b. Abdullah nâm kimesne ve iki yüz guruş tâlibesi Âişe bt. Abdullah ve yüz guruş tâlibesi diğer Âişe bt. Abdullah nâm hatunlar ve yüz yetmiş beş guruş tâlibi Aleksan v. Abraham ve yüz guruş tâlibi Pedros v. Ayvaz nâm zimmîler meclis-i şer‘-i hatîrde medyûn-ı mahbûs-ı merkūmun fakīr ve mu‘sir ve mu‘dim olduğunu dahi i‘tirâf edip sâir dâyinleri medyûn-ı mesfûrun gınâ ve matlını beyâna kādir olamamalarıyla hasbe’ş-şer‘i’l-enver zimmî-i medyûn-ı mesfûr Abraham habsden ıtlâk ve edâ-i düyûn-ı mezkûresi vakt-i meyseretine tevkīf iktizâ eylediği Bâb’dan huzûr-ı âlîlerine i‘lâm olundu fermân men-lehu’l-emrindir. Fî 20 Cumâdelûlâ sene 1162