Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 191 Hüküm no: 156 Orijinal metin no: [22b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Canbaz Mehmed Beşe b. Osman’ın, kendisine kusurlu kısrak sattığı iddiasıyla Seyyid Ali b. İbrahim’e açtığı davada haksız bulunduğu Ma‘rûz Canbaz tâifesinden Mehmed Beşe b. Osman meclis-i şer‘de es-Seyyid Ali b. İbrahim muvâcehesinde târih-i i‘lâmdan yedi gün mukaddem işbu mu‘âyene olunan kestane dorusu bir re’s kısrağı cemî‘ uyûbdan sâlim olmak üzere on yedi guruş bir rub‘ guruş semen-i medfû‘-ı makbûza iştirâ etmişidim zikrolunan kısrak yem yemez aybıyla mu‘ayyeb ve inde’t-tüccâr noksan semen îcâb eder uyûbdan olmağla zikrolunan kısrağı red ve semen-i medfû‘um olan meblağ-ı mezkûru taleb ederim deyü da‘vâ eyledikde ol dahi cevâbında zikrolunan kısrağı ol mikdâr semen-i makbûza bey‘ eylediğini ikrâr lâkin [23a] ayb-ı mezkûra muttali‘ oldukda kabûlünü müş‘ir âhara bey‘a arz etmişidi deyü ba‘de’d-def‘ ve’l-inkâr mezbûr es-Seyyid Ali def‘-i mezkûrunu udûlden es-Seyyid İbrahim b. es-Seyyid Yusuf ve es-Seyyid Ali b. Abdülbaki şehâdetleriyle müdde‘î-i mezbûr Mehmed Beşe muvâcehesinde vech-i şer‘î üzere isbât etmeğin mûcebince müdde‘î-i mezbû[r] bî-vech mu‘ârazadan men‘ olunduğu Bâb’dan huzûr-ı âlîlerine i‘lâm olundu. Fî 20 Ca sene 1162