Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 192 Hüküm no: 159 Orijinal metin no: [23a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Erzincan ahalisinden Bayrakdar Seyyid Ömer b. Zülfikar’ın varisleri adına oğlu Ali’nin, babasının ölen Dakis v. Sedet’te alacağı olduğu iddiasıyla Dakis’in oğlu Pedros’a açtığı davayı ispat edemediği Ma‘rûz Anadolu’da Erzincan kasabasında sâkin iken bundan akdem vefât eden Bayrakdâr es-Seyyid Ömer b. Zülfikar’ın verâseti zevce-i metrûkesi Safiye bt. Ömer nâm hatun ile sulbî kebîr oğlu sahib-i arzuhâl es-Seyyid Ali’ye inhisârından sonra mezbûr es-Seyyid Ali kendiden asâleten ve vâlidesi mezbûre Safiye’nin vekîl-i sâbitü’l-vekâlesi olmağla vekâleten Bâb Mahkemesi’nde meclis-i şer‘de kasaba-i mezbûreye tâbi‘ Vartanşah nâm karye ahâlîsinden iken bundan akdem hâlik olan Dakis v. Sedet nâm zimmînin sulbî kebîr oğlu Pedros zimmî muvâcehesinde babam müteveffâ-yı mezbûr es-Seyyid Ömer hâl-i hayatında târih-i i‘lâmdan sekiz sene mukaddem malından hayatında hâlik-i mezbûr Dakis zimmîye üç yüz guruş ikrâz ve teslîm ol dahi ber-vech-i muharrer ba‘de’l-ahz ve’l-kabz ve’l-istihlâk meblağ-ı mezbûrun yüz doksan guruşunu babam mezbûra hayatlarında ahz u kabz edip bâkī yüz otuz guruşu merkūm Dakis’in zimmetinde kalmağla babam mezbûr fevt olup ba‘dehû meblağ-ı bâkī-i mezkûru tereke-i merkūmeden ve oğlu kebîr-i mesfûr Pedros’dan bi’l-verâse taleb eylediğimde oğlu mesfûr Pedros zimmî meblağ-ı bâkī-i mezkûra dâmin ve zimmetinde bana deyni olmak üzere yedime temessük dahi vermişidi deyü takrîr-i meşrûhuna mutâbık bir kıt‘a temessük ibrâzıyla meblağ-ı bâkī-i mezbûru ba‘de’d-da‘vâ ve’l-inkâr müdde‘î-i mezbûr müdde‘âsını beyân için iki def‘a ba‘de’l-istimhâl ve’l-imhâl müddet-i mehiller mürûr edip müdde‘âsını beyân için iki def‘a ba‘de’l-istimhâl ve’l-imhâl müddet-i mehiller mürûr edip müdde‘âsını bir vechile beyâna kādir olmamağla mezbûr Pedros bi’t-taleb tahlîf olunmağın mûcebiyle müdde‘î-i mezbûr Ali bilâ-beyyine da‘vâ-yı mezkûresiyle mesfûr Pedros’a bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 24 min-Cumâdelûlâ sene 1162