Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 199 Hüküm no: 171 Orijinal metin no: [24b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin b. Şaban’ın hizmet bedelinden Ali Efendi b. Mehmed’de olan alacağını sulh yoluyla tahsil ettiği Ma‘rûz Sahib-i arzuhâl Hüseyin b. Şa‘bân meclis-i şer‘de derûn-ı arzuhâlde mezkûrü’l-ism olan sipâh halîfelerinden Ali Efendi b. Mehmed muvâcehesinde ben ücret ile hizmet eder makūlesinden olmamla beher şehr dörder guruş ücret kavliyle mezbûr Ali Efendi’ye iki sene hizmet etmemle sinîn-i mezkûrede müctemi‘ olan doksan altı guruş hakkımı mezbûr Ali Efendi’den taleb ederim deyü tesâddî eylediğim da‘vâmdan bâ-vesâtet-i muslihîn sekiz guruş bedel-i makbûza sulh olup mâ‘adâsına ve sâire müte‘allika âmme-i da‘vâdan mezbûr Ali Efendi’nin zimmetini ibrâ ve ıskāt eyledim deyü olan ikrârını mezbûr Ali Efendi tasdîk eylediği Mahkeme-i Bâb’dan huzûr-ı âlîlerine i‘lâm olundu. Fî-gurreti Cemâziyelâhir sene 1162