Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 205 Hüküm no: 183 Orijinal metin no: [25b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasap Saru’nun biriken kira bedelini Ahmed Efendi b. Mehmed’e ödemesi Ma‘rûz Muhzır Ali mübâşeretiyle Bâb Mahkemesi’ne ihzâr olunan Kasab Saru nâm zimmînin hasmı Ahmed Efendi b. Mehmed’in vekîl-i sâbitü’l-vekâlesi el-Hâc Hasan meclis-i şer‘-i enverde mesfûr Saru zimmî muvâcehesinde müvekkilem mezbûr Ahmed Efendi’nin İstanbul’da Şehremîni sûkunda vâki‘ bir bâb kasab dükkânında mesfûr Saru zimmî müşâhereten müste’ciri olmağla dükkân-ı mezkûr icâresinden bir senede müctemi‘ olan yirmi dört guruşu bi’l-vekâle mesfûr kasabdan taleb ederim deyü da‘vâ eyledikde ol dahi cihet-i mezkûreden ol mikdâr guruş deyni olduğunu ikrâr ve i‘tirâf etmeğin mûcebince meblağ-ı mezkûr yirmi dört guruşu müdde‘î-i mezbûra edâ ve teslîmle mesfûr Kasab Saru zimmîye tenbîh olunduğu huzûr-ı âlîlerine i‘lâm olundu. Fî 2 Cumâdelâhire sene 1162