Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 206 Hüküm no: 184 Orijinal metin no: [25b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Ahmed’in eşyalarını çaldıkları iddiasıyla Seyyid Ömer ve Hüseyin’e açtığı davayı ispat edemediği Ma‘rûz Mumcu Hüseyin Beşe mübâşeretiyle Bâb Mahkemesi’ne ihzâr olunan es-Seyyid Ömer ve Hüseyin nâm kimesnelerin hasımları Âişe bt. Ahmed nâm hatun zâtı ba‘de’t-ta‘rîfi’ş-şer‘î meclis-i şer‘-i hatîrde mezbûrân es-Seyyid Ömer ve Hüseyin muvâcehesinde târih-i i‘lâmdan yirmi dört gün mukaddem mezbûrân es-Seyyid Ömer ve Hüseyin Eğrikapı hâricinde Savak kurbünde sâkine olduğum menzilimden mecmû‘u elli yedi buçuk guruş kıymetli on altı top bez ve bir Yanbolu kebesi ve bir beledî döşek ve bir çârşebimi bi-gayr-ı hakkın ahz <> etmeleriyle mevcûde ise aynılarını müstehleke ise ba‘de’s-sübût kıymet-i şer‘iyelerini mezbûrândan taleb ederim deyü ba‘de’d-da‘vâ ve’l-inkâr müdde‘iye-i mezbûre ber-vech-i muharrer müdde‘âsını beyâna kādire olamayıp talebiyle mezbûrân es-Seyyid Ömer ve Hüseyin’e vech-i şer‘î üzere yemîn verilmeğin mûcebince müdde‘iye-i mezbûre Âişe Hatun bilâ-beyyine bî-vech-i şer‘î mu‘ârazadan men‘ olundu huzûr-ı âlîlerine i‘lâm olundu. Fî 3 C sene 1162