Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 210 Hüküm no: 191 Orijinal metin no: [26b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan b. Ahmed’in, İsak’daki alacağının kefili olan kardeşi İsrail v. Mosi’nin ödemesi Bâ-mühr-i hazret-i efendi Ma‘rûz Hasan b. Ahmed nâm kimesne dîvân-ı âlîlerinde ma‘kūd meclis-i şer‘de arzuhâl sahibi İsrail v. Mosi nâm Yahûdî ile terâfu‘larında mersûmun karındaşı gāib ani’l-meclis İsak nâm Yahûdî zimmetinde cihet-i karz-ı şer‘îden hakkım olan yüz otuz guruşun edâsına işbu İsrail Yahûdî kefîl ve dâmin olmağla meblağ-ı mezkûru bi-hükmi’l-kefâle mesfûrdan taleb ederim deyü ba‘de’d-da‘vâ ve’s-suâl ve’l-inkâr müdde‘î-i mezbûr müdde‘âsını lede’t-tezkiye adâletleri zâhir olan Mustafa b. el-Hâc Mehmed ve diğer Mustafa b. Mehmed şehâdetleriyle mesfûr İsrail muvâcehesinde vech-i şer‘î üzere isbât etmeğin mûcebince meblağ-ı mezkûr yüz otuz guruşun edâsıyla mersûm İsrail Yahûdiye tenbîh olunduğu huzûr-ı âlîlerine i‘lâm olundu. Fî 4 Cumâdelâhire sene 1162