Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 214 Hüküm no: 198 Orijinal metin no: [27b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Ayşe bt. Mehmed’in Acem asıllı cariyesi Hüsnişah bt. Abdullah’ı azat ettiği Ma‘rûz Zâtı ta‘rîf-i şer‘î ile mu‘arrefe olup derûn-ı arzuhâlde mezkûreti’l-ism Şerife Âişe bt. Mehmed nâm hatun meclis-i şer‘-i enverde orta boylu açık kaşlı kara gözlü sahibe-i arzuhâl Hüsnişah bt. Abdullah muvâcehesinde mevsûfe-i mezbûre Hüsnişah’ı târih-i i‘lâmdan iki sene mukaddem Gürciyyetü’l-asl olmak üzere iştirâ etmişidim hâlâ mevsûfe-i mezbûre ben bâ-fermân-ı âlî sebîli tahliye olunan Müslimetü’n-neseb Acem üserâsından olmamla on iki sene eylediğim hizmetimin ecr-i mislimi taleb ederim deyü ba‘de vukū‘ı’l-münâza‘a ben mevsûfe-i mezbûreyi malımdan tahrîr ve i‘tâk eylediğimde ol dahi benden tesâddî eylediği ecr-i misl da‘vâsından benim ve zevcim işbu hazır bi’l-meclis Mehmed Beşe’nin zimmetlerimizi ibrâ ve ıskāt eyledi deyü olan ikrârını mevsûfe-i mezbûre dahi tasdîk eylediği Bâb’dan huzûr-ı âlîlerine i‘lâm olundu bâkī fermân men-lehu’l-emrindir. Fî 8 Cumâdelâhire sene 1162