Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 215 Hüküm no: 199 Orijinal metin no: [27b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Hasan’ın, boşadığı hanımı İsmihan bt. Hüseyin’e mehir ve nafaka bedelinden kalan alacağını ödemesi Ma‘rûz Zâtı ta‘rîf-i şer‘î ile mu‘arrefe olan sahibe-i arzuhâl İsmihan bt. Hüseyin nâm hatun meclis-i şer‘-i enverde zevc-i mutallıkı es-Seyyid Mehmed b. es-Seyyid Hasan muvâcehesinde mezbûr es-Seyyid Mehmed’in zevce-i medhûlün-bihâsı iken târih-i i‘lâmdan on altı gün mukaddem beni tatlîk etmekle zimmetinde mütekarrer ve ma‘kūdün-aleyh olan bin akçe mehr-i müeccelim ile nafaka-i iddet-i mu‘ayyene-i ma‘lûmem için bi’t-terâzî ta‘yîn olunan üç yüz akçe ki cem‘an bin üç yüz akçe hakkımın üç yüz akçesini ahz edip bin akçesi zimmetinde kalmağla taleb ederim deyü ba‘de’d-da‘vâ ve’l-ikrâr alâ-mûceb-i ikrârihî meblağ-ı mezbûr bin akçeyi müdde‘iye-i mezbûre İsmihan Hatun’a edâ ve teslîmle mezbûr es-Seyyid Mehmed’e tenbîh olunduğu huzûr-ı âlîlerine i‘lâm olundu. Fî 9 Cumâdelâhire sene 1162