Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 217 Hüküm no: 202 Orijinal metin no: [28a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Emine ve annesi Şerife Ayşe’nin, kendilerini dövdükleri iddiasıyla Ayşe ve Fâtıma hatunlara açtıkları davayı ispat edemedikleri Ma‘rûz Arzuhâl sahibeleri olup zâtları Ömer b. Şa‘bân ve el-Hâc Süleyman b. Ahmed ta‘rîfleriyle mu‘arrefetân Şerife Emine ve vâlidesi Şerife Âişe nâm hatunlar meclis-i şer‘de derûn-ı arzuhâlde isimleri mezkûre olup zâtları mu‘arrifân-ı mezbûrân ta‘rîfleriyle mu‘arrefeler olan diğer Âişe ve Fâtıma nâm hatunlar muvâcehelerinde mezbûre Şerife Emine mezbûretân diğer Âişe ve Fâtıma herbirinden târih-i i‘lâmdan dört gün mukaddem yumruk ve değnek ile benim göğsüme ve sağ koluma ve sol gözüme darb ve kara bere eylediler deyü mezbûretân kezâlik sol gözüme yumrukları ve değnek ile darb ve kara bere eylediler mûceb-i şer‘îsini taleb ederiz deyü ba‘de’d-da‘vâ ve’l-inkâr müdde‘iyetân-ı mezbûretândan herbiri müdde‘âlarını beyâna kādireler olmamalarıyla bi’t-taleb ba‘de’t-tahlîfi’ş-şer‘î mûcebiyle müdde‘iyetân-ı mezbûretân Şerife Emine ve Şerife Âişe bilâ-beyyine bî-vech mu‘ârazadan men‘ olunduğu Mahkeme-i Bâb’dan huzûr-ı âlîlerine i‘lâm olundu. Fî 8 Cumâdelâhire sene 1162