Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 218 Hüküm no: 203 Orijinal metin no: [28a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çörekçi Mahmud Beşe b. Hüseyin’i yaralayan Salih Beşe b. Mehmed’in cezasının yaranın iyileşmesinden sonra verileceği Ma‘rûz Dergâh-ı âlî yeniçeri tâifesinin altmış dört cemâ‘at yoldaşlarından çörekçi esnâfından Mahmud Beşe b. Hüseyin meclis-i şer‘-i şerîf-i enverde yine cemâ‘at-i mezkûre yoldaşlarından Mumcu Osman Beşe mübâşeretiyle Bâb Mahkemesi’ne ihzâr ettirdiği Salih Beşe b. Mehmed muvâcehesinde târih-i kitâb günü kable’z-zuhr İstanbul’da Yeni Câmi‘-i şerîf havlusunda mezbûr Salih Beşe beni bi-gayr-ı hakkın neşterî ta‘bîr olunur bıçak ile işbu mu‘âyene olunduğu üzere sağ elimin keffi üstünden amden darb ve cerh eyledi mûceb-i şer‘îsini taleb ederim deyü ba‘de’d-da‘vâ ve’l-inkâr müdde‘î-i mezbûr Çörekçi Mahmud’un müdde‘âsı beyânından ba‘de ızhâri’l-acz müdde‘â-aleyh merkūm Salih Beşe’nin yemînden nükûlüyle sâbit olup lâkin mûceb-i şer‘îsiyle hükm cerh-i mezkûrun ber’ine tevkīf olunduğu huzûr-ı âlîlerine i‘lâm olundu bâkī emr hazret-i men-lehu’l-emrindir. Fî 10 min-Cumâdelâhire sene 1162